2025.05.05
Орон нутгийн хөгжил
Гамшигт нэрвэгдсэн 6 өрхөд тусламж үзүүллээ
2025 оны 4 дүгээр сарын 28-ны өдрөөс хойш Сэлэнгэ аймгийн Зүүнбүрэн, Хушаат, Ерөө, Түшиг, Цагааннуур сумдын нутагт гарсан ой хээрийн түймэр олон мянган га талбайг хамарч, айл өрх, аж ахуйн нэгжүүд ихээхэн хохирол амсаад байгаа. Тус бүс нутгаас сонгогдсон УИХ-ын гишүүн Ч.Ундрам өнгөрөгч амралтын өдрүүдэд гамшигт өртсөн иргэдээ эргэж сэтгэлийн дэмжлэг үзүүлээд ирлээ.
Тэрбээр Монголын Улаан Загалмайн Нийгэмлэгт хүсэлт гаргасны дагуу ой хээрийн түймрийн гамшигт нэрвэгдсэн 6 өрхөд нэн шаардлагатай ахуйн хэрэглээний зүйлсийг гардуулан өгсөн юм. Цаашид хохирлыг арилгах, иргэдийн амьжиргааг дэмжих, нөхөн сэргээхэд анхаарч байгаа. Ой хээрийн түймрийн эрсдэл өндөр байгаа энэ үед иргэд та бүхнийг гал түймрээс урьдчилан сэргийлж, өндөр хариуцлагатай, сонор сэрэмжтэй байхыг Ч.Ундрам гишүүн уриаллаа.
