"Иргэн та Хүч" залуусын нэгдэл Баянхонгор аймгийн иргэдийн хамт тус аймагт тулгамдаж буй хэд хэдэн асуудлаар Ерөнхий Хяналтын Сонсгол (ЕХС) хийх санаачилгыг дэвшүүлж 800 иргэний гарын үсэг бүхий шаардлагыг ИТХ-д хүргүүлсэн билээ. Улмаар өнгөрөгч 3 дугаар сард тус аймгийн ИТХ-ээс уг санаачилгыг дэмжиж ажлын хэсэг гарган энэ ондоо багтаан хийхээр шийдвэрлээд байсан бол өнөөдөр сэдэв бүрээр хийгдэх ЕХС-ын хуваариуд гарлаа.

Тодруулбал,

2025.06.16-нд “Баянхонгор аймгийн хэмжээнд олгогдсон ашигт малтмалын тусгай зөвшөөрөл, ашигт малтмалын олборлолт ил тод байдал, гэрээний хэрэгжилт, үр дүнд хяналт”-ын ерөнхий хяналтын сонсгол.

2025.09.10-нд “Утаа, агаарын бохирдол”-ийн хяналтын сонсгол.

2025.11.05-нд Баянхонгор сумд олгогдсон өрхийн хэрэглээний 0.07 га газар, инженер шугамд холбогдсон газар олголтын ил тод байдал”-ын ерөнхий хяналтын сонсгол болно.

Бүх сонсгол “Нутгийн Удирдлагын Ордон”-ны хурлын зааланд тус тус зохион байгуулахаар болжээ.